Во очекување на тоа дали ќе се одржи Меѓувладината конференција, Зоран Заев кажа дека проблемот со Бугарија нема да биде решен.

„Имам чувство дека на 22 јуни нема да се реши проблемот, но не е невозможно“, изјави Заев.

Тој рече дека го кажува ова за да не ги крене очекувањата кај нашите граѓани, затоа што Бугарија во моментов има техничка влада.

„Зошто го кажувам ова? Затоа што не сакам да ги кренам очекувањата кај нашитее граѓани. Бугарија има во јули избори Но наша должност е да направиме се. Нема зијан доколку разговараме. Значајно е дека и ние и Бугарија немаме прашања за македонскиот јазик и идентитет. Зборуваме за динамика на сите детали од секторската соработка во делот на рамката или патната карта, за интензитетот на историската комисија.“, вели Заев.

Денеска пак Заев говореше друго. За државната МИА изјави дека „не се далеку од решение со Бугарија и оти ќе замине во Софија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.