Ние до ден денес од почетокот на пандемијата немаме ниеден директен допис од нашиот министер, рече во вечерашната „24 Анализа“ доктор Ненад Лазаров, кој работи во примарната медицина. Тој додава дека протокол со третман на пациенти со ковид-19 на примарно ниво како матични лекари не постои и затоа секој матичен лекар лекува согласно свои моментални познавања и проценка.

Лазаров додаде дека затоа што нема ни протокол, ни официјален допис, матичните лекари секојдневно го молат министерот за здравство Венко Филипче да го изготви.

Денес имаше една скандалозна изјава од една директорка на сите инспекциски служби, која што посочи дека сега имаат зголемени ингеренции и ќе се казнуваат матичните лекари ако се констатира несоодветно лекување. Тоа од неколку аспекти е нон сенс. Прво не може да констатира никој освен суд за несовесно лекување. Тоа не може ад хок некој да дојде во ординација и да ти каже ти пациентот не си го лекувал како што треба, еве казна. Тоа е само луѓето да слушаат и да има негативен набој, бидејќи мора да се канализира вината кај некого. И втора работа е за да постои казна мора да постои протокол, кој што би бил прекршен, нагласи Лазаров.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.