Министерот за надворешни работи Бујар Османи со денешната изјава „да не се викаше бугарскиот клуб „Ванчо Михајлов“, ќе дојдеше државниот врв и заедно ќе го отворевме” всушност призна дека Владата на Македонија била запознаена со сите детали околу скандалозната промоција на фашизам од Бугарија, сметаат од ВМРО ДПМНЕ.

Во партиското соопштение испратено до јавноста од ВМРО ДПМНЕ сметаат дека се грозни и манипулативни обидите на Владата и перјаниците на СДС вниманието на јавноста да се дефокусира обвинувајќи го ВМРО-ДПМНЕ за некаква поврзаност со промоцијата на Ванчо Михајлов, наместо целокупното внимание да се насочи кон единствената вистина зошто Владата молчеше за промоцијата на фашизам на Бугарија среде Битола и зошто не побара забрана за делување на здружението кое величи човек со контраверзно минато.

Вистинското прашање како институциите дозволиле формирање на здружение кое го велича ликот на Ванчо Михајлов, надвор од историскиот контекст на неговата улога, погрешно интерпретирајќи ги и глорифицирајќи ги неговите заложби за негирање на македонскиот народ?

Зошто досега Ковачевски не се огради и не ја осуди промоцијата на фашизмот од страна на бугарскиот премиер?, се вели во соопштението на ВМРО ДПМНЕ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.