Професор Билјана Ванковска реагира на изјавата на заменик министерот за животна средина Јани Макрадули, кој денеска изјави дека неговата сопруга има право да зема државни тендери.

Уште поскандалозно беше новогодишното интервју на ЗЗ за 1Тв. Тој отворено со кажа дека и oд позиција на премиер си учествува во водењето на семејните бизниси. Додуша, за жените во семејството кажа дека нив ништо не им кажувале. За жени не бил бизнисот. Ма-краду-ли барем се родово рамноправни, се смее професорката додавајќи дека заборавила да потсети на тоа дека Зоран Заев е најсиромашниот човек во Македонија: сиот имот припаѓа на неговите родители, жена му и децата.

Претходно денеска, Макрадули се обиде да го оправда тоа што фирмата во која еден од сопствениците е неговата сопруга Маја по доаѓањето на СДСМ на власт добила тендери во вредност од 90.000 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.