Пратеничка која е дел од владеачката коалиција барала да добие министерско место во замена за нејзиниот глас за уставните измени – објави Експрес.

Ќе разберевме ако не гласа од национални побуди но не и поради лукративни причини, велат извори во владеачката коалиција кои се разочарани што дел од пратениците се обидуваат да остварат лична или теснопартиска добивка во исклучително важните моменти за Македонија.

Според неофицијалните информации пратеничката барала да го добие министерското место во Екологија, ресор каде што владата добива огромни критики во јавноста.

Со цел да поминат уставните измени начелно во ДУИ се подготвени да го отстапат ова министерско место во замена со некое друго кое сега го држи СДСМ.

Доколку СДСМ се откаже од МВР во ДУИ се подготвени веднаш да пружат рака за „цесија на министерски места” за да поминат полесно уставните промени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.