Уставниот суд на денешната седница ќе одлучува по поведената постапка за оценување на уставноста на член 12 од  Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп – Битола) во Република Македонија.

На седницата, која се одржа на 29 март 2022 година, Уставниот суд одлучи да поведе постапка за оспорената одредба поради сомнеж во уставноста и законитоста на членот 12, во кој меѓу другото е опфатено дека „работното време на секој работник во текот на целиот циклус на Проектот може да биде во просек 60 часа неделно во текот на годината”.

Подносители на иницијативите се Сојузот на синдикати на Македонија, СГИПРМ и Здружението за заштита на работничките права „Гласен Текстилец“ од Штип



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.