Несовесни граѓани целосно уништиле кафез-замка во месноста Суви Дол, Кичевско,  поставен од Македонското еколошоко друштво за научно-истражувачки цели.

Кафезот не е во можност повторно да се употреби за следна мониторинг сесија на балканскиот рис.

Досега не сме имале вакво искуство и апелираме до граѓаните што се движат во планина дека овој тип замки е наменет исклучиво за научно истражувачки цели и следење на популацијата на критично загрозениот балкански рис. Случајот ќе го пријавивме во полиција и се надеваме дека надлежните ќе поведат постапка против сторителите – вели Диме Меловски од Македонското еколошко друштво.

Вакви замки се поставени на повеќе локации во Националниот парк „Маврово“ и надвор од него и се од непроценлива вредност за стекнување нови сознанија за ова ретко животно, коешто МЕД активно го проучува и заштитува од 2006 година.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.