„Во моментов се работи на нов Закон за помилување. Овој закон, кој се изработува со експерти, комисии, вклучена е и Управата за извршување на санкции, ќе ги постави маргините и нема да се остави простор за погрешно толкување на некоја одредба“ кажа министерот за правда, Никола Тупанчевски во „Вин-вин“ на Телма.

Тој додаде дека досега сме биле сведоци каде што при помилувањата се правеа одредени злоупотреби и имаше отстапувања од самиот институот помилување.

„Исто така се работи и на нов Кривичен законик, кој меѓу другото, посебен фокус има на конекциите со Европскиот суд за човекови права“ кажа Тупанчевски.

Тој додаде дека Кривичниот законик е донесен одамна, а во меѓувреме има 37-38, како што кажа, крпеници, од кои добар дел се прави инстантно и на дневна основа, со одредени политички цели.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.