На денешната седница на Централниот одбор на СДСМ, претседателот Зоран Заев ќе именува нови потпретседатели. Како што потврдуваат за „Сакам да кажам“ од партијата, еден од шестте потпретседатели ќе биде и експертот за односи со јавност Коста Петров.

Тој беше дел од тимот на поранешниот министер за здравство Арбен Таравари задолжен за односи со јавноста и дел од годинешниот евровизиски тим на Тамара Тодевска. Петров е говорник за односи со јавност и лидерство, а има објавено 5 книги на оваа тема.

Покрај Петров извори од партијата за порталот брифираат дека за потпретседатели повторно ќе бидат именувани и разрешените Оливер Спасовски, Дамјан Манчевски и Мухамед Зекири, од кои Заев побара оставка од функцијата на 26 мај, во таканаречената „метла“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.