Трета недела одминува од катастрофалната автобуска несреќа во која 45 лица трагично ги загубија животите, а власта на СДСМ и ДУИ нема одгoвор како е возможно автобус без извод од лиценца 140 пати да ја напушти границата, потсетувааат од ВМРО-ДПМНЕ.

МВР и Царина молчат како е можно табличката на кобниот автобус на Беса Транс да не постои. За каква правна држава може да стане збор кога од несреќата до денес надлежниот инспекторат нема направено увид во компанијата и изготвено извештај? Молчат и од Обвинителство и нема никаква реакција. 45 лица прерано ги изгубија животите, а од надлежните институции нема никаква реакција, иако има огромен број пропусти, злоупотреби на системот и основано сомнение за криминал, велат од ВМРО-ДПМНЕ.

Очигледно, додаваат, власта и институциите кријат и штитат криминал.

Во нормална држава уште првите денови ќе имаше барем оставки, понесување на морална и политичка одговорност. Спрегата на власта и обвинителството мисли дека со развлекување ќе го забошотат и овој случај како во случајот со трагедијата со модуларната болница. Веројатно бараат нов продолжен кабел кој ќе биде виновникот и за оваа трегедија.

За власта на СДСМ и ДУИ човечкиот живот не значи ништо. Но народот гледа и тоа ќе го казни, велат од ВМРО-ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.