Професорката, Мирјана Најчевска, смета дека треба да се поведе прекршочна постапка за грешката на македонската поп ѕвезда Тамара Тодевска при интонирање на химната за време на прославата по повод 4 јули вчера во американската амбасада. Според Најчевска ова е само дел од непрофесионалното делување во земјава.

-Ни се случува со погрешни знамиња да пречекуваме функционери, протоколот да нема врска што и како прави. Ова е само цреша на врвот на апсолутното невнимание. Пред да се појави Тамара на туѓо толо, во Америка, бидејќи американската амбасада е туѓо тло, некој од протокол треба да ја информира, да и каже што треба да прави, и да провери. Вината во Тамара не ја гледам толку, колку во она што е кај нас непрофисионалност. Мислам дека кривична одговорност е претерано, но треба да има некаква прекршочна одговорност, треба одговорност и за оние што биле вкучени во протоколарните процедури – рече Најчевска додавајќи дека е лошо тоа што премиерот излезе да ја брани Тамара

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.