Сретен Стојковски, директорот на Државниот инспекторат за животна средина, денеска брифираше дека пречистителните станици во Македонија, односно институциите кои раководат со нив, се соочуваат со неможност да ги платат високите сметки за електрична енергија.

Првиот човек на ДИЖС рече дека ако порано сметките за електрична енергија им била милион денари, сега тие се и до осумкратно поголеми.

Пречистителните станици се актуелни деновиве поради виоските сметки за струја кои им доаѓаат. Веќе пречистителните станици во градовите каде што ги има, најавуваат дека нема да бидат во можност да ја прочистуваат отпадната вода. За тоа разговарав со раководителот во Управата за животна средина и отпадни води за да направат една информација до Владата, бидејќи сметките ако биле еден милион, сега се осум милиони, алармираше Стојковски.

Директорот рече дека овој проблем, актуелни случаи на кои е насочен инспекторатот е испуштањето на црн облак од котларницата на мазут во РЕК Битола, пожарот во Цементарница Усје, пресушувањето на браната Паљурци, како и поморот на риби во Куманово.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.