За најактуелната тема со Бугарија секако дека ВМРО-ДПМНЕ би иницирале една расправа која е актуелна тема деновиве и таа е резултат на предупредувања во не така далечната 2017та година, изјави пратеничката од редовите на ВМРО-ДПМНЕ и член на Извршниот комитет на партијата Дафина Стојаноска во вечерашното гостување во емисијата „24 Анализа“ на Телевизија 24.

Тогаш предупредувавме дека договорот од 1-ви август 2017-та година беше договорот со Бугарија кој гласеше договор за добрососедство пријателство и соработка но ние не гледаме дека барем еден од овие 3 епитети периодов или после јули кога се потпиша тој предлог за отпочнување преговори кои сеуште не ги започнавме, рече Стојаноска.

Посочи дека апсолутно односите се повеќе се вжештуваат. Дали тука влијае некој фактор или не треба да имаме институции кои тоа треба да го испитуваат. Не треба да имаме институции, министри или премиер кои се како спортски коментатори или политички аналитичар без да кажат што би презеле.

Стојаноска додаде дека има нефункционален Парламент во кој сите теми кои опозицијата ги начнала зависат од мнозинството.

Добро е да се истакне моменталната состојба во Собранието а тоа е дека точно еден месец ќе се наполни како мнозинството не може да се собере за да се започне со една седница и да направи кворум. Имаме парламент кои има незавршени седници повеќе од 30 проценти“, рече Стојаноска.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.