Помина речиси цела недела, а Зоран Заев и Вице Заев молчат и не кажуваат што разговарале со обвинетата Катица Јанева и со веќе осудениот Милески-Кичевскиот.Цела недела, Заеви бегаат од најголемата тема во државата- инволвираноста во случајот „Рекет“, нагласува портпаролот на ВМРО-ДПМНЕ, Наум Стоилковски

Тој бара Заев јавно ја потврди автентичноста на снимката во која признава дека го помагал со финансирање на Боки 13 и на телевизијата која што сам ја оцени како провладина.

Вчера Бојан Маричиќ, неговиот советник, јавно призна дека Заев го известил Боки 13 за тоа дека во Владата го пријавиле дека рекетира. Дури потоа за тоа дознава Вилма Русковска. Сега го охрабруваме Вице Заев да признае дека се гледал со Зоран Милески Кичеец.Прашуваме уште еднаш, што разговарале Зоран Заев и Катица Јанева? Што разговарале Вице Заев и Зоран Милески Кичеец во присуство на адвокат на фамилијата Заеви-прашува Стоилковски.

 

Тој праша што е договарано меѓу Вице Заев и Зоран Милески Кичеец?

Дали Вице Заев знае каде се наоѓа Луј Витон торбата полна со пари, онаа торба со која што Милески ја изнесува од домот на бизнисмен заедно со  Боки 13?Очигледно е дека Вице Заев има многу што да каже во Судница и на јавноста.Видливи се пипците на семејството во овој најголем криминален скандал во државава. Повторно ги охрабруваме обвинителството и Судот, ги повикуваме Русковска и Јовевски да се престрашат и да ги повикаат браќата Заеви на распит-додава Стоилковски.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.