Претставници на Сојузот на средношколци предводени од претседателот Бленди Ходаи денеска во 16 часот ќе бидат примени од премиерот Зоран Заев, откако вчера пратија писмо до Кабинетот на претседателот на Владата со барање за средба за да разговараат за државната матура.

Во писмото до премиерот тие побара средба на која ќе ги изнесат нивните две барања за модифицирање на државната матура – намалување на бројот на предмети од четири на два и скратени наставни програми.

Се надеваме дека сте информирани за ситуацијата околу државната матура и преку медиумите и преку официјалните канали на комуникација. Исто така, се надеваме дека средбата ќе се одржи што поскоро, бидејќи времето истекува, што значи дека треба брзо да делуваме за да го решиме прашањето, пишуваат од Средношколски сојуз во писмото што вчера го упатија до Кабинетот на премиерот.

По 12 дена бојкот, дел од матурантите организирани од Сојузот на средношколци вчера се вратија на настава. Сојузот одлучи да го стави во мирување бојкотот, кој почна со второто полугодие и да почека Парламентот да најде решение откако пратеничката група на ВМРО-ДПМНЕ минатиот понеделник поднесе Предлог-закон за измени и дополнување на Законот за средно образоание.

Претседателот на Сојузот Ходаи изјави дека до крајот на февруари ќе ја следаат наставата и ќе чекаат Собранието да го прифати и изгласа нивното барање, а ако тоа не се случи најави дека од 1 март ќе кампуваат пред Министерството за образование и наука.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.