Класична злоупотреба на извршната власт во предизборни цели – детектира аудио снимката која до „Лидер“ ја доставија граѓани на населбата Рајкова Куќа во Куманово.

Во посета на Рајкова Куќа биле министерот за внатрешни работи Оливер Спасовски и градоначалникот на општина Куманово, Максим Димитриевски. Тие повикале на средба со граѓаните, а еден од нив без да знаат го снимал разговорот и го достави до редакцијата на „Економски Лидер“.

Кога Спасовски и Димитриевски ги прашуваат граѓаните кој им е најголем проблем, тие се жалат за неасфалтираната улица. Така, предизборната кампања за претседател се сведува на ветување дека оваа улица во Рајкова Куќа ќе се асфалтира, а за тоа ќе помогнел Пендаровски кој ќе обезбедел пари од ЕУ и НАТО (што ниту е работа на претседателот, ниту е возможно).

Во текот на целиот разговор со граѓаните, Димитриевски и Спасовски ги злоупотребуваат своите позиции во извршната власт за да влијаат на изборите со уценувачки тон, што е кршење на изборниот закон со кое би требало да се позанимава обвинителството.


Извор Лидер

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.