Системот се распаѓа, а граѓаните го плаќаат неспособното владеење на СДСМ со сопствените животи. Здравството веќе не може да одговори на потребите на граѓаните, а СДСМ се фали како Заев си танцува со пандемијата, велат од ВМРО ДПМНЕ.

Според партијата, лошото менаџирање со кризата, со секој изминат ден зема се повеќе жртви.

Сите сме загрозени. Сите сме во опасност, а танчерите Заев, Спасовски и Филипче, живеат во паралелна реалност и се фалат како блескаво танцуваат. Неспособноста на владата предводена од СДСМ да се справи со корона вирусот од ден на ден резултира со се повеќе заболени и починати лица, се вели во соопштението на ВМРО ДПМНЕ.

Од ден на ден се зголемува бројот на заразени лица и меѓу медицинскиот персонал. Станува збор за повеќе од 20 проценти од медицинските лица кои се заболени во болнички или амбулантски услови.

Заболени се медицински лица од здравствени установи низ цела Македонија, како Скопје, Куманово, Дебар, Кавадарци, Битола, Охрид, Демир Хисар. Медицински лица има и во самоизлоација. Меѓу нив се 14 од штипското инфективно одделение кои превентивно се во самоизолација, како и десеттина вработени во епидемиолошката служба на Центарот за јавно здравје во Гостивар. Медицинскиот кадар е десеткуван, а главниот удар допрва се очекува!, велат од ВМРО ДПМНЕ.

Сега е време да се заштитат медицинските работници и ВМРО ДПМНЕ предлага:

1.Веднаш да се обезбеди соодветна опрема преку централна набавка со цел да се има увид дали има доволно опрема за медицинските лица.
2. Да се стартува со тестирање на поголем број на лица, а пред се на здравствените работници.
3. Потребно е да се побара помош од сите држави и меѓународни институции кои можат тоа да го направат.
Не е време за себепромоција.
Не е време за популизам.
Нема време за чекање.
Време е за мерки кои треба да се спроведат веднаш!
Време е за ефикасно справување со корона вирусот!
Не доцнете повеќе, ако треба помош ВМРО-ДПМНЕ е тука, велат од најголемата опозициска партија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.