Врз основа на Протоколот меѓу министерствата за образование на Македонија и Словенија од 2016 година, словенечкото Министерство за образование, наука и спорт доделува стипендии за студенти, дипломирани лица и докторанди од Република Македонија на високообразовните институции во Република Словенија за академската 2021/2022 година.

Дваесет и четири месечни стипендии се за студиско усовршување на високообразовните институции во таа земја, со поединечно времетраење од три до шест месеци, за кандидати до 26-годишна возраст.

Три стипендии се едносеместрални, секоја по четири месеци, за студенти по словенечки јазик на Универзитетот „Св. Кирил и Методиј“ во Скопје, а две стипендии се за посета на двонеделниот летен курс по словенечки јазик и се наменети, исто така, за студенти по словенечки јазик на УКИМ.

Повеќе информации во врска со условите, критериумите, потребните документи, начинот на аплицирање и роковите, може да се најдат на  интернет-страницата https://studyinslovenia.si/news/bilateral-scholarships-2021-22/, а апликацијата е достапна во електронска форма на: https://studyinslovenia.si/study/exchange-programmes/

До 1 март 2021 е рокот за доставување на апликациите до Министерството за образование и наука (ул. „Св. Кирил и Методиј“ бр. 54, 1000 Скопје) кое во известувањето на својата веб-страница наведува и контакти за дополнителни информации.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.