Опозициската партија ВМРО-ДПМНЕ во денешното соопштение за јавноста вели дека Владата на Заев сериозно доживеала дебакл со борбата со корупцијата.

Извештајот на ГРЕКО е показател дека не сме мрднати од мртва точка, напротив уште тонеме. Од 23 препораки кои требале да се исполнат, само 4 се целосно завршени. Извештајот на ГРЕКО е уште еден показател дека владата не знае и не може да се бори против криминалот и корупцијата, бидејќи тие се во неа. ГРЕКО исто така забележува на позицијата на Љупчо Николовски, кој во исто време е и антикорупционер и високопозициониран политичар. Извештајот на ГРЕКО е само еден во низата негативни извештаи, претходно на листата на Транспаренси се најдовме на 111 место за перцепција на корупција.

Извештаите на меѓународните институции и организации се само потврда на тоа на кое ВМРО-ДПМНЕ наназад со години алудира, реагира ВМРО-ДПМНЕ.

Оваа влада е криминална и корумпирана. Видовме како се рекетираат милиони од бизнисмени, а потоа Боки 13 кој ја носеше торбата со милиони кажа дека парите завршиле кај Зоран и Вице Заеви, а истрага нема. Видовме како Ден Дончев става туце пари во ташна, а истрага нема. Владата е до гуша во криминал, и вистинските криминалци не одговараат, иако за тоа има докази објавени во јавноста кои инфлагранти ги инкриминираат. Се додека Заев е на чело на државата Македонија ќе тоне.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.