СДСМ изразува благодарност за големата поддршката од граѓаните, од членовите и симпатизерите на вчерашната трибина во преполната сала „Борис Трајковски“ во Скопје, се вели во денешното соопштение од Центарот за комуникации со јавноста на СДСМ.

Масовната посетеност докажа дека СДСМ е партија што ги обединува граѓаните и води напред. Над 10.000 граѓани, Македонци, Албанци, Турци, Срби, Власи, Роми, Бошњаци и сите останати вчера испратија силна порака дека државата е на прав пат и треба да продолжи по вистинскиот пат. Граѓаните ги препознаа вредностите, ги чувствуваат придобивките од успешните политики и даваат поддршка на концептот што води напред кон повисок животен стандард, кон повисоки плати и пензии, кон интеграција во ЕУ и НАТО, се вели во соопштението.

Од таму додаваат дека на 12 април уште еднаш ќе потврдат дека тоа е вистинската опција, се друго е враќање назад во темнина, изолација и неизвесност. „Заедно со граѓаните продолжуваме по вистинскиот, правиот пат.“

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.