Владата предводена од претседателот на СДСМ и Димитар Ковачевски, во услови на најголемата светска економска и енергетска криза продолжува со грижата за граѓаните и компаниите, велат од партијата.

Со новиот пакет мерки, додаваат оттаму, им се овозможува на компаниите што произведуваат основни прехранбени производи, основните и средни јавни училишта, јавните претпријатија за водоснабдување и одведување на отпадни води да имаат поевтина струја.

Објаснуваат дека со одлуката се опфатени компаниите што произведуваат основни прехранбени производи во кои спаѓаат производителите на масло за јадење, леб и пекарски производи, брашно, млеко и млечни производи, месната и живинарската индустрија.

Ова ќе влијае врз стабилизирање и намалување на цените на финалните производи кои се произведуваат и се продаваат од овие компании. Се очекува мерките да доведат до намалување на цените на основните прехранбени производи за најмалку 10 отсто.

Истовремено струјата ќе продолжи да се субвенционира со 80% за над 600.000 домаќинства и 72.000 мали потрошувачи фирми.

Владата предводена ид СДСМ од почетокот на годината за антикризни мерки за граѓаните и за компаниите намени 750 милиони евра, односно околу пет отсто од БДП, што е најмногу како процент споредено со земјите од Западен Балкан.

Со СДСМ никој нема да биде оставен сам во кризата, велат од СДСМ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.