СДСМ утврди 51 кандидат за градоначалници за претстојните локални избори, соопштуваат од партијата и додаваат дека сите кандидати се докажани, угледни, професионални личности кои се мотивирани и подготвени да работат одговорно и посветено за својата општина.

На овие избори, се вели во соопштението, СДСМ излегува со најдобрата програмска и кадровска понуда со која ќе продолжи развојот на општините.

Нема поголема чест и обврска да им се служи на граѓаните, да се решаваат нивните проблеми и барања. Во изминатите години тоа го правевме најдобро што можевме и ќе продолжиме уште подобро и во наредниот период.

Граѓаните го препознаваат нашето посветено, домаќинско и одговорно работење, а еден од доказите за тоа се анкетите на кои СДСМ има убедливо водство пред останатите политички конкуренти.

За разлика од чесната и одговорна понуда на СДСМ, понудата на ВМРО-ДПМНЕ и Христијан Мицкоски е понуда од немај каде, понуда во која ниту самиот Мицкоски не верува.

Огромен дел од нив се личности кои во времето на режимот биле на високи функции во државата.

Фактот дека Мицкоски и ВМРО-ДПМНЕ не можат да најдат свој кандидат за градоначалник на Град Скопје и Општина Центар, говори за поразот што ги очекува во главниот град, но и во многу други општини низ државата.

На граѓаните им е јасно дека опозициската ВМРО-ДПМНЕ и Мицкоски немаат никаква понуда.

Затоа на 17 октомври ги очекува нов силен изборен пораз. Граѓаните одново ќе потврдат дека единствено со СДСМ кој ја носи најдобрата понуда за секоја општина е можен напредокот и развојот на општините, велат од СДСМ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.