Борбата против меѓународниот организиран криминал и корупцијата и превенција и сузбивање на тероризмот, била во фокусот на денешната работна средба во Основното јавно обвинителство за гонење на организиран криминал и корупција во Скопје на Основната јавната обвинителка Вилма Русковска со Главниот обвинител на Република Бугарија Иван Гешев и јавниот обвинител и портпарол Сијка Милева кои се во дводневна посета на нашата земја.

​На средбата, како што информираат од ЈОРМ, меѓу другото, обвинителите ја истакнале и важноста од брзо постапување во меѓународната правна соработка, како и улогата што истата ја има во сузбивањето на транснационалниот криминал.

Иван Гешев и Вилма Русковска, исто така, го истакнале и своето задоволство од досегашната соработка меѓу обвинителствата на Република Бугарија и Република Македонија и надежите дека истата ќе продолжи и во иднина

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.