Државната изборна комисија (ДИК) на вечерашната седница ги утврди привремените резултати од првиот круг од претседателските избори што се одржаа вчера во Црна Гора.
Според привремените резултати на ДИК, од 100 отсто обработени гласови, актуелниот претседател на Црна Гора и Демократската партија на социјалистите (ДПС) Мило Ѓукановиќ освоил 35,37 отсто од гласовите (или 119.673 гласови), заменик претседателот на Движењето Европа сега (ПЕС) Јаков Милатовиќ 28,92 (97.858) и еден од фаворитите на Демократскиот фронт (ДФ), Андрија Мандиќ, 19,32 отсто (65.386).

Лидерот на демократите Алекса Бечиќ освоил 11,10 отсто (37.562), пратеникот на Социјалдемократската партија (СДП) Драгиња Вуксановиќ Станковиќ 3,15 отсто (10.669), претседателот на Обединета Црна Гора Горан Даниловиќ освоил 1,38 отсто (46, додека независниот кандидат Јован Радуловиќ освоил 0,76 отсто (2.574).

ДИК утврдил дека вкупниот број на важечки ливчиња на изборите изнесувал 338.381, пишува Вијести.

Ѓукановиќ и Милатовиќ се пласираа во вториот круг од претседателските избори што ќе се одржат на 2 април.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.