Работните групи на парламентарните партии денеска работат на усогласување на ставовите за новиот закон за јавното обвинителство, изјави пратеникот Хари Локвенец додавајќи дека СДСМ им дава шанса на преговорите.

Би сакал да пренесам дека во овој момент работните групи работат за усогласување на ставовиве поврзани со законот за јавно обвинителство. Тоа само по себе покажува дека даваме максимални напори за усогласување на ставовите за обезбедување на двотретинското мнозинство, всушност консензуално решение на овој проблем, сакајќи заеднички да го креираме законот кој треба да се донесе а е поврзан со јавното обвинителство. Им даваме шанса на преговорите, изјави Локвенец одговарајќи на новинарско прашање.

Локвенец не го коментираше барањето на опозициската ВМРО-ДПМНЕ за итна седница за разрешување на специјалната јавна обвинителка Катица Јанева, туку кажа дека тие ќе го потврдат својот став изнесен на Комисија, на пленараната седница што ќе ја закаже претседателот на Парламентот Талат Џафери.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.