Протест сега, за да не биде предоцна, вели лидерот на ВМРО-ДПМНЕ Христијан Мицкоски кој повика на надпартиски предупредувачки протест за, како што напиша на својот профил на Фејсбук, „одбрана на црвените линии кои се последниот бедем на нашиот идентитет“.

Нема Македонец кој не почуствува срам од интервјуто, каде Заев со насмевка и скрстени раце кажуваше невистини за својот народ.
Ако Заев ги прогласи окупаторите за ослободители, тогаш македонските антифашисти – Партизаните кои се вистинските ослободители, Заев ги прави окупатори, а бидејќи врз антифашистичката и Народноослободителната борба како и Илинденската борба се темели на македонската државност, тогаш испаѓа дека Заев ја укинува и македонската државност.
Ова не е нималку наивно, се наоѓаме во историски моменти и или ќе покажеме дека заслужуваме држава или ќе нѐ нема.
Затоа протест сега, за да не биде предоцна!, порача Мицкоски алармирајќи до граѓаните да се заштитат, да носат маска и да држат растојание.

Протестот ќе започне во 18 часот пред спортската сала „Борис Трајковски“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.