Пресудата за Зоран Милевски Кичеец ќе биде објавена утре откако денеска на судењето за случајот „Рекет“ призна вина.

По неговото признание доказите кои се однесуваа на него се издвојуваат од предметот и не се изведуваат пред судот.

Со оглед дека обвинетиот ја призна вината се докажа дека го сторил делото. Предлагам судот да му изрече казна ценејќи ги сите олеснителни и отежителни околности, рече Рускоска.

Неговиот адвокат Александар Новаковски рече дека очекува условна казна.

Се соочивме со ситуација во која обвинетиот кој како сведок можел да го избегне обвинението, но може од незнаење се довел во ситуација да биде обвинет. Од тој момент истиот не бил соработник со обвинителството, иако се шпекулираше. Откако се донесе одлуката за обвинение, првата негова цел беше да каже сето она што го знае, рече Новаковски, кој додаде дека обвинетиот е татко на пет деца и досега не е осудуван.

Кичеец се гонеше за кривичното дело „примање награда за противзаконито влијание“ според член 359 став 7, а за што е предвидена затворска казна од 1 до 10 години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.