Собранието денеска, во рамки на продолжението на 99. седница, го донесе Законот за изменување и дополнување на Кривичниот законик, предложен од Владата.

Изгласан беше и Законот за ратификација на Договорот помеѓу Република Македонија и Европската Унија за оперативните активности спроведени од страна на Агенцијата за европска гранична и крајбрежна стража во Република Македонија

Пратениците ја усвоија и Одлуката за испраќање припадници на Армијата на Република Македонија за учество во меѓународната операција на Европската Унија „АЛТЕА“ во Босна и Херцеговина (мај 2023 година до ноември 2023 година).

На седницата поддршка добија и три барања за давање автентично толкување – на член 230 став (1) од Законот за пензиското и инвалидското осигурување, на член 128 од Законот за работните односи, како и на членовите 22, 26 и 31 од Законот за урбанистичко планирање.

Претседателот на Собранието Талат Џафери тука ја прекина седницата и рече дека пратениците за нејзиното продолжение ќе бидат дополнително известени.

Во тек е продолжението на 84. седница.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.