Министерот за надворешни работи Бујар Османи вечерва гостува во дебатниот магазин „Click Plus“ на ТВ21 каде разговараме на теми поврзани со уставните измени, тензиите во ДУИ, митингот на ДУИ во Чаир, преговорите меѓу Белград и Приштина, како и за надворешната политика на Македонија.

Османи откри дека во саботата, во Охрид добил СМС порака од висок дипломатски претставник, кој му кажал дека е горд на напорите на Али Ахмети да помогне околу преговорите помеѓу Белград и Приштина, како и дека Ахмети е влијателен политичар во регионот.

Видете, како што вели еден аналитичар од Косово, Али Ахмети е архитект на модерна Македонија. Неговата визија за државата е европска држава, сите заедно да чекориме кон ЕУ – Македонци, Албанци и сите други заедно.

Јас сум министер за надворешни работи на Македонија. Моите јавни изјави се државни ставови, не се лични. Ние имаме одлични односи и со Косово и со Србија и сакаме овие две држави да најдат компромис, истакна Османи.

Тој вели дека откако е дојден како МНР, модифициран е ставот на МНР кон прашањето меѓу Косово и Србија.

Нашиот став сега гласи: „Ние поддржуваме спроведување на договорот меѓу Косово и Србија, кој води кон меѓусебно признавање на двете држави“, порача Османи.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.