Додека јавноста бара одговори на милион прашања поврзани со смртта на ракометарот на Бутел Денис Тот, ОЈО нема да поведе постапка кој и зошто се обиде да го сокрие убиството. За обвинителот Гаврил Бубевски тоа што медицинските лица не ги забележале повредите по телото на ракометарот е сплет на околности  при брзиот прием поради тешката состојба на Тот.

Но, во никој случај нема сомневање дека некој сакал да го прикие случајот дека станува збор за убиство, вели за Канал 5 обвинителот Гаврил Бубевски.

И како само Бубевски да е толку сигурен дека „немаме случај“. Понатаму, како и за хрватските, така и за македонските медиуми Бубевски лежерно објаснува дека „едноставно на прв поглед не процениле дека се работи за насилие“ и „така процениле дека се работи за некаква природна состојба која треба да се лекува“.

Едноставно кога го примеле во болницата на прв преглед не процениле дека се работи за насилие извршено врз човекот и така процениле дека се работи за некаква природна состојба којашто треба дас е лекува, после тоа се утврдува од како почина човекот дадена е наредба за обдукција преземени се дополнителни мерки обезбедени се камери за да се покрие целиот настан да се види целата ситуација и утврдено е дека се работи за кривично-правен настан. Кое едно лице е нападнато и за жал на крај е со смртни последици, објаснува Бубевски за  Канал5.

Иако првично медиумите јавија дека ракометарот на Бутел бил претепан, директорката на КАРИЛ Маја Мојсова тврдеше дека немало видливи траги на телото на сега починатиот. Нејзината изјава ја потврди и МВР.

Сепак, обдукцијата покажа дека Тот починал од насилна смрт. Тоа го покажуваат и видеоснимките кои се појавија на јутјуб и Твитер.

Кој и зошто се обиде да го прикрие убиството на младиот ракометар? Колку убиства на македонски граѓани завршиле како несреќен случај, како природна смрт? Колку срца навистина откажале, а колку животи всушност биле насилно прекинати?

МВР сè трага по 28-годишниот А.Ѓ., првоосомничен за претепувањето на 27-годишниот хрватски ракометар. Во притвор се две лица, 22-годишниот А.К. и 19-годишната К.Л., двајцата од Скопје.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.