Делегацијата на ВМРО-ДПМНЕ, предводена од претседателот на партијата Христијан Мицкоски, денеска e во Лајпциг на Конгресот на сестринската партија Германската Демократска Унија (ЦДУ).

После исклучително успешниот Конгрес на Европската народна партија во Загреб, каде што ги реафирмиравме нашите ставови за апсолутна и целосна поддршка на патот на Македонија кон Европската унија и каде што добивме исклучително голема поддршка од страна на нашите сестрински партии за време на конгресот но истовремено и на самитот кој што се одржа на маргините на конгресот на Европската Народна Партија, продололжуваме во Лајпциг, каде ќе оствариме голем број средби со пратеници во германскиот Бундестаг, веќе имав неколку такви утринава со господинот Бајер, со поранешниот европратеник Дорис Пак. Разговаравме за актуелната политичка економска состојба во Македонија, гои пренесов впечатокот и анализата која што практично ВМРО-ДПМНЕ ја има, изјави Мицкоски од Лајпциг.

Мицкоски додава и дека истовремено сака да порача дека во полн израз доаѓа завидлизмот на Заев.

Откако виде дека и последната негова теза, неговиот меур како сапуница се распрсна дека ВМРО-ДПМНЕ практично имала неуспешен конгрес во рамките на ЕПП во Загреб. Поддршката е огромна, средби со голем број претставници, со голем број претседатели на наши сестрински партии. Ја реафирмираа недвосмислената поддршка кон ВМРО-ДПМНЕ и на следните предвремени парламентарни избори голем дел од нив ќе присуствуваат во насока на поддршка на политиките на ВМРО-ДПМНЕ и поддршка на патот на Македонија кон Европската Унија.

 

Во обид да ги скријат катастрофалните скандали каде што кумашинот на Зоран Заев практично брутално го нападна коалициониот партнер ДУИ, скандалозното ослободување на притвореничката Катица Јанева, скапо платената пи-ар машинерија на СДСМ буквално од контекст се обиде да ја изврти вистината и да ги манипулира македонските граѓани.

 

Но како што во минатото сме кажале, вистината порано или подоцна излегува на виделина. ВМРО-ДПМНЕ победува на следните предвремени парламентарни избори, а Зоран Заев и останатата врхушка на СДСМ исплашена, во паника во страв е свесна за поразот, но истовремено е свесна и за одговорноста на погрешните политики коишто речиси три години ги води во Македонија, порача Мицкоски од Конгресот на ЦДУ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.