На 61-годишна возраст денеска од ковид-19 почина Мите Костов Папули, претседател на Партијата на Власите во Македонија.

Мите Костов Папули е роден во с.Аџибегово, светиниколско, а дипломирал и магистрирал на Економскиот факултет во Скопје. Беше долгогодишен активист и борец за влашкото прашање, со својот ангажман даде огромен придонес за промовирање и афирмирање на влашкиот јазик и култура, долгогодишен претседател на Лигата на Власите, иницијатор за формирање на Влашката редакција при МРТ, Меѓународниот совет на Власите, иницијатор за формирање на Агенцијата за остварување на правата на заедниците, за изучување на влашкиот јазик во основните училишта и на Филолошкиот факултет во Скопје.

Папули е добитник на многубројни домашни и меѓународни признанија и плакети за неговиот ангажман околу влашкото прашање, но и во областа на економијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.