Објавени 228 огласи за работа пред парламентарните избори: За МИОА вработувањата се легални, за антикорупционерите-купување гласови

Македонија 02.03.2020 / 13:45

Во периодот декември 2019 година – февруари 2020 година, отворени се вкупно 228 огласи за вработување на 678 лица. Овие огласи се објавени кога веќе беа распишани предвремените парламентарни избори на 12 април.

Од Министерството за информатичко општество и администрација велат дека сите вработувања се легални и дека сите конкурси за работни места се објавени по потреба од релевантни институции и претпријатија за пополнување на слободни работни места.

Поради предвремени парламентарни избори, замрзнати се 69 конкурси, како оној за скоро 300 работни места во Македонска пошта, или другиот за ангажирање инспектори во Инспекторатот за спроведување на Законот за употреба на законите.

Антикорупционерите велат дека објавувањето на конкурси за слободни работни места во овој период ги прави граѓаните „зависни“, односно дека овие слободни работни места се наменети да влијаат врз гласачкото тело.

Некои од оние започнати процеси нема ни да завршат, но ги држуваат луѓето во состојба на зависност, односно влијаат на гласачкото тело и сметаме дека тоа не е добро и не е дозволиво, рече Билјана Ивановска, претседател на Антикорупција.

Поранешниот антикорупциски член, Ариф Муса објавувањето на толку многу конкурси во толку краток временски период го толкува како класично купување гласови на граѓаните и особено администраторите.

Тоа е класично купување на гласовите на граѓаните, класично купување на администрацијата, потсмев и потценување на достоинството на администраторите за едно работно место. Одземањето на правото на секој администратор, секое образовано лице, еден ден да добијат редовно вработување, да бидат свои во државната администрација, тоа е она што го прават владејачките партии во моментов- рече Ариф Муса – екс- член на Антикорупција.

Во декември се отворија конкурси за вработување за вкупно 84 лица од повеќе општини, како што се Струга, Град Скопје, Општина Охрид и Карпош. Како и некои министерства како што е министерството за земјоделие предводено од Трајан Димовски или Министерството за правда на Рената Дескоска. Бројот на огласи за работни места е зголемен за 60% ако се спореди со истиот период од претходните години, кога за разлика од сега не беше објавен ниту еден изборен процес.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.


Comments are closed for this post.