Дали инсулинскиот скандал во кој се уништени половина тон инсулин со валиден рок на траење, треба да обезбеди нов милионски тендер за власта, прашуваат од ВМРО ДПМНЕ. На денешната прес конференција, Марија Андоновска изнесе детали од новиот скандал на власта.

Дали на повидок е нов скандал со уништување на корисен инсулин во земјава? Имено инсулинскиот скандал во кој се вклучени министерството за здравство Венко Филипче, Агенцијата за лекови и медицински помагала, дирекцијата за стокови резерви се состои од уништување на инсулин чиј што рок на користење е сеуште употреблив. Имено согласно информациите до кој дојдовме на 5 декември, пред два дена е извршено уништување на над 1 тон и 200 килограми инсулин, од кој речиси половина тон од инсулинот кој е уништен, а чија што пазарна вредност може да достигне од 1.5 милиони евра е со валиден рок на употреба до месец јуни наредната година.
Значи нашите непотврдени информации говорат дека е уништен употреблив инсулин чиј рок на траење не е истечен, во висина од 1.5 милиони евра – истакна Андоновска.

Оттука се наметнуваат следниве прашања и дилеми:

Дали причината зошто се уништува инсулин кој е со не истечен рок на траење е поради фактот што треба да се распише нов тендер кој ќе обезбеди солидна заработка за магнати блиски до власта?
Доколку ова е очно кој ќе ја сноси одговорноста што врз буџетот се прави штета приближно од 1.5 милиони евра?
Која е вистинската причина зошто се дава одобрение за уништување на инсулинот кога се знае дека тој има валиден рок на траење уште повеќе од половина година?
Дали со овој инсулински скандал некој сака да заработи на грбот на граѓаните?
Дали инсулинскиот скандал во кој се уништени половина тон инсулин со валиден рок на траење, треба да обезбеди нов милионски тендер за власта – рече Андоновска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.