Во утринската дебатна емисија на „Радио Лидер“ гостуваше потпретседателот на ВМРО-ДПМНЕ, Александар Николоски кој се осврна на моменталната политичка ситуација во државата, нестабилното парламентарно мнозинство, лошите владини мерки во однос на пандемијата, како и на криминалните афери на власта.

Николоски потенцираше дека оваа Влада е најнеспособната и најманипулаторската која што некогаш владеела во Република Македонија, бидејќи наместо реализација на проектите од нивната програма, единствено нешто што реализирале е расцветаниот криминал и криминалните афери на високите функционери.

Николоски додаде дека покрај финансиските криминали на власта, таа си поигрува и со животите на граѓаните, бидејќи не набавија ниту лекарства за лекување на корона вирусот, ниту пак вакцини кои што се неопходни за граѓаните и нивните животи.

Наместо да се фокусираат на набавка на вакцини и спас на населението, власта се фокусираше на пресметувањето провизии и крадење на народни пари.

Во време кога граѓаните се борат за своите животи, Заев и Филипче се возат со мотори, Рашковски и Николовски шетаат во Мексико и Дубаи. Тоа е реалната слика за политичарите кои што ја водат државата во овој момент и од какви луѓе граѓаните чекаат решенија на нивните проблеми.

Скандалите се насекаде низ општеството, бидејќи на дневна основа Владата приредува дузина скандали кои граѓаните и не можат да ги запомнат. Еден од поновите е заканата од страна на Зоран Заев дека ќе го разреши директорот на Државниот пазарен инспекторат поради тоа што не сакал да ги прими рамковните вработувања во неговата институција. Тоа кажува за начинот на кој Заев функционира и за тоа колку е погазена демократијата во државата, штом премиер на држава јавно се заканува на директор поради тоа што не го послушал, вели Николоски.

Факт е дека Заев и СДСМ се во страв и паника, а за тоа говорат нервозните постапки на Заев и политичките пресметки дури и со членовите на СДСМ.

Правдата и демократијата мора повторно да се вратат во Македонија, а овие луѓе кои ги прекршуваа да одговараат за секој сторен криминал, заврши Николоски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.