Потпретседателот на ВМРО-ДПМНЕ Александар Николоски од Прилеп ги повика сите граѓани на Македонија да се приклучат масовно на протестот на 18-ти јуни пред Владата и да побараат предвремени парламентарни избори со цел решавање на политичка, економска и национална криза.

По речиси три седмици ќе се случи голем општонароден митинг на којшто, како што рече Николоски, очекуваа десетици, па можеби и стотици илјади граѓани да дојдат и да јасно пред Владата да побараат предвремени парламентарни избори на коишто ќе се разреши оваа политичка, економска и национална криза.

„Би сакал да ги повикам сите граѓани од тука од Прилеп, но и од цела Македонија да ни се приклучат. Се надевам дека тој митинг ќе е освестување за СДСМ и ДУИ за после тоа да седнеме и договориме датум за предвремени парламентарни избори како единствено решение за излез од оваа криза. Премногу време се изгуби ни е од април апелираме да се седне и да се разговара и да се формираат четири тима во четирите болни области тоа се финансиите, спорот со Бугарија и евроинтеграциите, здравството и секако образованието. Но, за жал нема одговор од СДСМ и ДУИ, овој митинг е едно сериозно предупредување и порака што е желба на народот и после да одиме на предвремени парламентарни избори за излез од кризата, рече тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.