Претседателот на Синдикатот на образованието, науката и културата (СОНК) Јаким Неделков вели дека протестите на наставниците имаат за цел да го разбијат единството на СОНК и не доликуваат на просветни работници.

Непријатно и жално е што најобразованите луѓе во државата дозволуваат да бидат изманипулирани или неинформирани. Вакви протести и упади во просториите на СОНК не личат на просветни работници. Многу е полегитимно нивните права да ги побараат во рамките на организaција, а не да вршат ваков притисок врз раководството. Вакви неидентификувани собирања на кои не го знаеме организаторот не водат кон ништо. Тоа е обид за разбивање на единството на СОНК“, рече Неделков одговарајќи на новинарско прашање за вчерашниот протест на дел од наставниците пред СОНК.

Неделков кажа дека штрајкот не е прекинат туку е ставен во мирување откако од Министерството за труд и социјална политика ги известиле дека пристапуваат кон мирно решавање на спорот. Според Законот за мирно решавање на работни спорови, како што кажа Неделков, тие мора да прифатат медијатор и да преговараат со Министерството за образование и Владата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.