Точно напладне здруженијата „Tврдокорни” и ,,Македонија блокира“ го започнаа протестот пред Собранието на Република Македонија, каде треба да се одржи пленарната седница за третата и последна фаза од уставните измени.

Улицата пред Собранието е целосно блокирана, а се забележува и зголемено присуство на полицијата.

Протестот како што велат организаторите ќе трае до полноќ.

Од „Тврдокорни“ и „Македонија блокира“ истакнуваат дека протестот е за одбрана на македонското име, идентитетот, историјата и традицијата на македонскиот народ и против, како што наведуваат, „најголемото национално предавство“.

Очигледен е револтот на демонстрантите кои излегоа денеска на протест пред Собранието против уставните измени, пишува „Фокус“. Жаклина Михајлова, која е писател, во анкета за медиумите порача дека Македонија е на Македонците.

Не пасе народот трева. Сега е време да се обединиме. Нема слобода под туѓ јарем. Македонија е на Македонците. Да им покажеме на овие велепредавници дека Македонија е наша. Една свеќа запалете за Македонија. Оваа земја е како пиреј. Светот ни се смее нам. Не сум убедена дека лесно ќе поминат уставните измени. Да сум јас на нивно место (политичари), би се убила, рече таа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.