Пратеникот и член на ИК на ВМРО-ДПМНЕ Драган Ковачки во гостување во емисијата „Што не е јасно?“ на телевизија Алфа ја повика новата министерка за одбрана Славјанка Петровска да истражи дали во време на министерувањето на Радмила Шекеринска се купени гуми за возила кои не се во употреба на Армијата на Република Македонија.
 
Сега имаме нов министер за одбрана, па нека истражи дали се купувани гуми за возила кои што се расходовани и не се во употреба во Армијата,  а се платени тие гуми. Еве нека проверат дали е тоа така или не е така, вели Ковачки.
Ковачи истакна дека и храната на војниците која се дава не е безбедна посочувајќи дека тој во неколку наврати реагирал на својот официјален фејсбук профил каде што објавувал документи дека месото кој што го јаделе војниците не смеело да биде примено во армијата.
 
Имаме прашања за месото кој што го јадат војниците, со поминат рок, што се чува во нехигиенски услови. Значи ги нарушувате вие безбедносните протоколи за храната, и сега такво месо се чува. Тоа месо не го прима комисија како што е по правило, туку го прима еден човек и зашто? Затоа што тој е нивен и тој дели со нив. Еве нека го демантираат тоа. Јас точно на фејсбук сум објавил број на договори, на кој датуми се правени контроли каде точно е сугерирано дека тоа месо не смее да биде примено во редовите на Армијата и тоа месо го имаат изедено војниците. И со тоа они се гордеат и кажуваат дека сме успеале, а во што сме успеале, праша Ковачки


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.