Министерот за внатрешни работи Оливер Спасовски денеска изјави дека работат на целосно расчистување на случајот со пукањето во скопскиот хотел „Александар Палас“ и оти веќе има неколку приведувања. Тој во изјава за медиумите најави жестока борба против криминалните структури во Скопје, а мерките на претпазливост што беа определени за приведените во случајот со пукањето во Алаксандар Палас рече дека воопшто не се мерки.

Ако погледнете за какви луѓе станува збор, тоа воопшто не се мерки. Кога ќе подготвите тимови и голем дел на инспектори ќе работат на расчистување на одреден случај и ќе утврдат аргументи и факти кои ќе ги достават до Јавното обвинителство и ќе ви кажат нека оди по редовна постапка, тогаш навистина се прашуваме зошто толку труд и енергија се вложува и кого тоа ние штитиме. Не знам зошто одредени обвинители во обвинителствата во земјава постапуваат на таков начин, Спасовски, посочувајќи дека изминатите денови е откриена криминална група во Куманово која проневерила 12 милиони евра, а за ниту еден член на групата не е одредена мерка притвор.

Тој додаде дека секое криминално дејство мора да се санкционира затоа што неказнивоста продуцира нов криминал.

Ако еден криминалец не го санкционирате, тој има мотив тоа утре повторно да го направи. Денеска гледаме дека оние кои проневерија милиони суми, кажуваат дека не се воделе постапките како што треба, а се шетаат слободно. Треба да бидеме повеќе одговорни, одговорноста да биде на едно повисоко ниво затоа што на тоа не обврзува одговорноста кон граѓаните,порача Спасовски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.