Средното образование е задолжително, државната матура е избор и е потребна на учениците коишто планираат да го продолжат образованието на факултетите, велат од Министерството за образование и наука (МОН).

Дел од матурантите ја бојкотираат наставата. Сојузот на средношколци уште од синоќа најави дека бојкотот, кој почна во четвртокот, ќе продолжи и денеска. Соопштија дека бројот на училишта кои бојкотираат се намалува бидејќи имале закани и притисоци од диреткотрите и наставниците во училиштата.

Министерството за образование апелира до матурантите и средношколците да продолжат со наставата по веќе воспоставниот комбиниран модел, затоа што тоа е во најдобар интерес на сите ученици, но во интерес на заштитата на јавното здравје.

Во концептот за матура предвидена е и училишна матура, која е избор на учениците што нема да полагаат државна матура. Таа опфаќа избор само на дава предмета (задолжителен и изборен) и проектна задача. Исто така, матурантите од средните стручни училишта имаат можност да изберат и завршен испит, со истиот концепт од два предмета, задолжителен и изборен и проектна задача, велат од МОН.

Стартот на второто полугодие и полагањето на матурските испити беше тема на разговор на Министерката за образование и наука Мила Царовска со директорите на средните училишта на онлајн состанокот што се одржа денес.

На состанокот е донесен заклучок дека, Министерството за образование и наука има законска обврска да ја организра матурата за учениците коишто планираат да го продолжат образованието, а е усов за запишување на факултетите во државата и во странство. Според податоците на училиштата полагање на матура имаат пријавено над 14.000 матуранти, а испитите ќе се одржат според концепцијата утврдена уште на почетокот на оваа учебна година.
Mатурата, којашто е право на избор и на учениците кои избраа да полагаат и ги пријавија испитите ќе им биде овозможено да полагаат. На состанокот беше посочено дека уште во текот на првото полугодие, целосно почитувајќи го демократското право на изразување на учениците, од страна на МОН беа прифатени сите забелешки за олеснување во делот на испитните матурски програми по сите предмети.

Државниот испитен центар, МОН и средношколците заеднички ќе работат на целосно нова концепција за полагање на државна матура која ќе се применува од идната учебна година, за што во тек е формирање на работна груба во која ќе бидат вклучени и средношколците, додаваат од МОН.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.