Кучевишка Бара и Бел Камен ќе добијат комплетна инфраструктура, вети денеска Владо Мисајловски, потпретседател на ВМРО-ДПМНЕ и носител на ИЕ 2 на средба со граѓаните во Бутел.

Тоа го ветивме пред граѓаните и еве уште еднаш го повторувам значи за тие две населени места, кој се на помеѓу две општини, ние како централна власт јавно се заложуваме дека ќе ги решиме сите инфраструктурни проекти, а не како власта сега незаконски да отиде да постави и да фрли малку асфалт колку да ги замачка очите – рече Мисајловски.

Тој нагласи дека повторно е во Бутел при завршувањето на кампањата, за да ја почувствуваат победничкатта еуфорија во општината.

Јас се заблагодарив на сите граѓани кои што ни ја даваат поддршката што постојано беа со нас на терен, и се разбира и сите граѓани кои ни ги отворија портите што можевме да разговараме со нив, да размениме мислења на сите оние средби со граѓани. Јас ја чувствувам оваа позитивна енергија во Бутел и се надевам дека на 15 јули ќе се види огромната победа и сите ќе бидат со нас насмевка на лицата бидејќи следи Обнова на Бутел – рече Мисајловски.

Како што рече во тие две населени места треба целосна подземна инфраструктура, а се разбира и потоа асфалтирање и нови тротоари.

Затоа јавно го говориме ова да знаат граѓаните да бидат спокојни дека ние ќе обезбедиме средства и ќе им помогнеме. Но, не само на тие две населени места, туку насекаде во Бутел. Како што можеме да слушнеме во последно време дека оваа општина Бутел и ова раководство нема едно камче поместено, може само некоја ограда од школо да фарбала и тоа е тоа. Затоа почитувани пријатели, почитувани сограѓани сите да излезете на 15 јули и кажете доста е време е за обнова, време е за бројот 14 – рече Мисајловски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.