Знам и свесен сум дека сте одлучни да ги поразиме убедливо и да ја донесеме Македонија онаму каде што и е местото кај народот, поентираше лидерот на ВМРО ДПМНЕ, Христијан Мицкоски на средбата со граѓани во рударскиот град Пробиштип.

Мицкоски истакна дека изминатите години во опозиција работеле напорно и тоа, како што рече, само за Македонија, а токму тоа бил нивниот мотив, нивното се.

Затоа јас ви ветувам, стојам пред вас овде во Пробиштип и ве гледам во очи и ви ветувам , после 15 јули никој нема да шефува, ниту пак да владее со Македонија, туку тој што ќе ја има привилегијата да управува со Владата ќе работи заедно со народот и за интересите на народот. Заврши времето на политичари елитисти, доаѓа време кога политичарите, коишто одлучиле да се приклучат на обновата ќе бидат овде со вас на овој плоштад ќе слушаат што народопт има да каже и тооа што го говори народот, тоа ќе бидат политиките на идната Влада, рече Мицкоски.

Забележа дека на овие избори ќе ја остварат најубедливата историска победа, а се осврна и на програмата „Обнова“, на која што работеле експерти.

На 15 јули да излеземе масовно, да заокружиме за онаа Македонија која ја сакаме. Од првиот настан од Охрид па до овде се чувтсвува енергијата, за обновата, но она што е важно да престанеме да се понижуваме Вратете ја насмевката на вашите лица и она што е најважно е останете здрави, рече Мицкоски.

Пред граѓаните на Пробиштип се обрати и носителот на листата за пратеници во Изборна единица 3, Игор Јанушев. Според него по 16 јули доаѓа времето на обновата на македонија и зато ги повика граѓаните на 15 јули да излезат референдумски уште со отварањето на гласачките места.

Но затоа ви даваме збор, аманет за нас дека во следните четири години ќе работиме интензивно и напорно да го вратиме македонското национално достоинство, онаму каде што му е местото, да не бидеме повеќе граѓани од втор ред во сопствената држава. Македонецот да биде човек, граѓанин на оваа држава со високо подигната глава и исправена кичм, истакна Јанушев.

ВМРО ДПМНЕ традиционално, како и на претходните избори, така и сега, кампањата за предвремените парламентарни избори ја завршува вечерва со собир на граѓани во Штип.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.