Претседателот на ВМРО-ДПМНЕ Христијан Мицкоски во интервју за „Курир“ вели дека за жал, не се сомнева оти Заев и оваа гарнитура на СДСМ се подготвени на се’ само за да останат на власт. Лидерот на опозицијата ја гледа актуелната власт како национална пандемија, која може да се излекува само на избори, но не на избори по секоја цена, туку на соочување при кое нема да се загрози животот на граѓаните во Република Македонија.

Зпарашан на што се’ се подготвени Заев и СДСМ за да останат на власт? Мицкоски вели дека се буквално на се’.

Мислам дека дека на се’, буквално на се’. На се’ кое што е надвор од орбитата на неговото потесно семејство. Кога интересите на неговото потесно се засегнати, тогаш имаме гард, а за се’ друго е подготвен да преговара и продава. Тука нема дилеми за сите граѓани на Република Макеоднија, за се’. Што и да кажува, што и да соопштува, во што и да се колне, сметајте дека ако има и една минута шанса, се’ ќе биде на пазар, се’ ќе биде предмет на трговија, со исклучок на интересите на неговото потесно семејство. Е, тука се крева гардот и се бранат позициите. Секој кој има поразлично мислење од ова што јас го кажувам е жртва на пропагандаа на СДСМ и Заев, вели лидерот на ВМРО-ДПМНЕ.

А таа пропаганда ќе се засилува како минува времето, затоа ги молам граѓаните да внимаваат и да не бидат жртва на пропагандата на СДСМ и на Зоран Заев. Ова се луѓе кои минативе три години беа вистинска пандемија за нашата држава. Да, таа пандемија може да се излечи само на избори, но на избори на кои што граѓаните ќе можат слободно и демократски да гласаат без притоа нивните животи и здравје да бидат изложени на опасност. Свесен сум дека поинаку не можеме да ги поразиме, освен на избори, истакнува Мицкоски.

Но да знаете и да немате дилема дека буквално секоја педа, независно дали е современа или историска, секој атом на коренот наш македонски, се е предмет на трговија кај Заев. Тој е таков тип на политичар. Значи, таму не очекувајте старатегија, не очекувајте визија, таму денот буквално се купува и се продава. Таква е политиката која оваа гарнитура на СДСМ и Зоран Заев, за жал, ја водеа во изминатиот период. Јас би сакал да грешам, би сакал да не сум во право, но за жал, искуството со овие луѓе ме води кон таков заклучок дека ова што го зборувам е точно.

Целото интервју со претседателот на ВМРО-ДПМНЕ, Христијан Мицкоски, во кое тој зборува за причините за актуелната хипер-продукција на заразени со Ковид-19 и Заевите мотиви за брзи избори, небулозните обвинувањата на СДСМ дека тој и министерот Наќе Чулев се виновни за новиот наплив на корона, како и за хроничниот недостиг на политичка одговорност кај власта која со флаери на кои пишува дека ја победиле короната заразуваа луѓе со истата таа корона, ќе можете да го прочитате и видите утре .

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.