Почитувани припадници на Бошњачката етничка заедница, во мое лично име и од името на ВМРО-ДПМНЕ, Ви упатувам искрени честитки по повод 28 Септември – Меѓународниот ден на Бошњаците, стои во честитката од лидерот на ВМРО-ДПМНЕ, Христијан Мицкоски, по повод 28 Септември – Меѓународниот ден на Бошњаците.

Со празнувањето на овој ден и со афирмирање на културата на богатата бошњачка традиција го почитуваме и правото на самоопределување кој е столбот врз кој се темели и нашата татковина.

Меѓусебното разбирање, почитување и толеранција се вредности врз кои мораме да ја темелиме државата и општеството, бидејќи сплотени и во заедништво можеме успешно да се справиме со сите предизвици и премрежија кои што се случуваат во државата и да создадеме подобра иднина за сите граѓани, пишува во честитката.

Мицкоски потенцира дека денес речиси сите граѓаните секојдневието го поминуваат во сиромаштија и криза, со прашање како ќе го преживеат месецот и дали ќе можат да ги прехранат своите семејства поради економската и енергетската криза кои власта ги создаде како резултат на неспособност, негрижа и неработење.

Но, јас сум длабоко уверен дека промените многу набрзо ќе се случат и овој лош амбиент кој го чувствуваат сите заедници ќе заврши.

Преку работа и сплотеност ќе создадеме подобра перспектива и активно ќе работиме за подобрување на условите за живот на сите граѓани.

Клучот за успех на Македонија е во развојот и напредокот и мораме заеднички да ја оствариме нашата мисија за посреќни граѓани и просперитетна држава, пишувва Мицкоски во честитката по повод Меѓународниот ден на Бошњаците.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.