Знам, за вас нема тајни затоа што вие повеќе се занимавате со туѓите животи отколку со тоа што треба да го работите. Затоа сме први по бројот на луѓе кои го загубија животот и тоа е поради тоа што сте неспособни да се справите со ковид пандемијата година и половина, рече лидерот на ВМРО-ДПМНЕ, Христијан Мицкоски на дебатата со Зоран Заев во емисјата Само вистина што се емитува на телевизија Канал 5.

Тој посочи дека Заев се занимаба со туѓи животи додека живи луѓе им горат по болниците.

„Дека се занимавате со туѓите животи, а не си ја вршите работата затоа ви умираат луѓе од ковид и ви горат живи луѓе. И тоа им е јасно на сите“, рече Мицкоски.

Мицкоски укажа дека тој јавно ги повикал граѓаните да се вакцинираат и дека е за вакцинација како што пишува во еден од статусите кој Зоран Заев го цитираше за време на дебатата.

Мицкоски укажа дека ВМРО-ДПМНЕ предупредило на политиканството од страна на надлежните и затоа сме во оваа ситуција.

„И сега имаме калкулантство и предупредувавме дека ќе дојде до делта сојот, предупредуваше Комсијата за здарсвтво и затоа денес сме рекордери по изгубени животи“, рече Мицкоски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.