Претседателот на ВМРО-ДПМНЕ, Христијан Мицкоски, вечерва беше во посета на ОК на ВМРО-ДПМНЕ Чаир. Тој рече дека СДСМ води национален проект на понижување, омаловажување и уништување на Република Македонија, а паралелно има процеси преку уценети и инструирани структури кои се обидуваат да се нанесе сериозен удар врз ВМРО-ДПМНЕ и врз самите членови.

Tреба да знаат дека овие црнила кои сите ги гледаат ќе бидат најголемиот тег, најголемиот камен на сопнување на оваа црна власт
(фото: ВМРО-ДПМНЕ)

Мицкоски посочи дека според „Транспаренси интернешнл“ Македонија е падната за 50 места или на 112. место на индексот на корупција што нè сместува некаде со Танзанија и Етиопија. Мицкоски зборуваше и за судските процеси.

Македонија е на 112. место на индексот на корупција што нè сместува со Танзанија и Етиопија
(фото: ВМРО-ДПМНЕ)

Ќе се појави некој сведок кој ќе каже дека ВМРО-ДПМНЕ била ваква или таква и како пратично ВМРО-ДПМНЕ се претстави во јавноста како злосторничка организација за да им се даде потоа правен легитимитет на овие структури да можат да нанесат удар врз ВМРО-ДПМНЕ и практично да ја забранат ВМРО- ДПМНЕ да постои. Затоа што така ќе бидат најсигурни. Тоа е проектот што го прави СДСМ преку своите структури во судството, обвинителството со нарачани сведочења и решението е да се побара правен основ да не постои повеќе партијата, рече Мицкоски.

Tреба да знаат дека овие црнила кои сите ги гледаат ќе бидат најголемиот тег, најголемиот камен на сопнување на оваа црна власт
(фото: ВМРО-ДПМНЕ)

Мицкоски рече дека имало притисоци и закани за губење на работните места.

По првиот наш протестен марш пред Владата минатата среда, кај 15 луѓе кои сосема случајно учествувале и биле присутни на тој марш, во 6 утрото имало рација од страна на МВР. Денеска истото се случува ширум Македонија. Имаме докази за претреси во Велес, Охрид, и тоа повторно со наоружани припадници на МВР, кои им ги одземаат нивните лични предмети, рече Мицкоски.

Владата претставуваат рак рана на нашето општество (фото: ВМРО-ДПМНЕ)

Тој го спомна скандалот со новото прислушкување на судиите и јавните обвинители и притоа праша како може да им се верува на нив и во нивната независност.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.