Сите анкети покажуваат предност во корист на ВМРО-ДПМНЕ, а таа предност е околу 100.000 гласови рече Христијан Мицкоски во интервју за „Македонско радио“, додавајќи дека затоа очекува убедлива победа на предвремените парламентарни избори.

Предноста на ВМРО-ДПМНЕ е огромна, но истовремено ќе кажам и стравот е присутен, посебно кај оние анкети што се телефонски бидејќи луѓето се плашат да одговорат на телефон не знаејќи кој е од другата страна и најчесто велат не знам, нема да гласам и така натаму. Но тие што се определени предноста е околу 100.000 гласа, очекувам убедлива победа, потенцираше Мицкоски.

Претседателот на ВМРО-ДПМНЕ вели дека очекува победата да биде толку убедлива така што ќе превенира еден пост изборен инженеринг и зошто да не биде победа и со 61 пратеник и заради тоа ќе дадат се од себе а граѓаните тоа ќе го препознаат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.