Претседателот на ВМРО-ДПМНЕ, Христијан Мицкоски, со потпретседателот Александар Николоски и секретарите за меѓународна соработка Влатко Ѓорчев и Тимчо Муцунски учестуваа како гости на 33. Конгрес на ЦДУ кој се одржува од 15 до 16 јануари.

ВМРО-ДПМНЕ негува децениско партнерство и соработка со сестринската партија ЦДУ, со која сме членки и на ЕПП, а која од нејзините редови ја даде канцеларката Меркел, која цела деценија го трасира патот на модерна Европа и е еден од гарантите за европскиот развој, безбедност и стабилност.

На Конгресот се очекува избор на следен лидер на Партијата кој ќе ја наследи Анегрет Крамп-Карембауер.

Покрај бројните говорници, меѓу другите ќе се обратат: Канцеларката Ангела Меркел, претседателката на ЦДУ и Министер за одбрана на Германија, Анагрет Крамп-Карембауер, претседателката на Европската Комисија, Урсула Фон Дер Лајен и потпретседателот на ЕПП и Европратеник Дејвид Мекалистер.

Конгресот е целосно дигитален.

Новиот претседател на ЦДУ ќе биде избран од страна на мнозинството од 1001 Делегати, кои избираа помеѓу Армин Лашет, Фредрих Мерц и Норберт Ротген.

Во вториот круг од гласањето избран е Армин Лашет.

ВМРО-ДПМНЕ и претседателот Мицкоски му честитаат на господинот Армин Лашет и му посакуваат успешна работа, истовремено се надеваат на успешна соработка со ЦДУ и во текот на период што следи се со цел уште позабрзан развој на демократијата и економијата на Македонија, се вели во соопштението на ВМРО ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.