Мицкоски: Барав наредната недела да се распушти парламентот и првиот ден после 100 дена техничка влада да имаме избори, Заев тоа не го прифати, ќе победиме и во април

Лидерот на ВМРО-ДПМНЕ Христијан Мицкоски во денешното интервју за порталот „Слободен печат“, нагласи дека барал од лидерите на останатите политички партии наредната недела да се распушти парламентот и да започне да тече рокот на техничка влада од 100 дена, но како што рече тоа не било прифатено и на крај се договориле предвремените избори да бидат на 12 април наредната година.

Законот е јасен 100 дена техничка влада, уставна категорија распуштање на парламентот а тоа е од 45 до 60 дена. Така што ние рековме нема проблем во текот на следната недела ајде да ја распуштиме оваа влада, да формираме техничка влада и од тој ден натаму кога ќе дојдат, дали јануари, февруари да одржиме предвремени парламентарни избор. Но, тоа не беше прифатено од страна на останатите политички партии кои што беа на масата иако бев свесен апсолутно за целта и намерата на машинеријата на СДСМ и Зоран Заев дека они ќе кажат брзи избори па како ние не сме прифатиле, па сето тоа ќе биде еден вид на драма и слично, вели Мицкоски.

Тоа не беше прифатено. Потоа дојдоа предлозите крај на март, почеток на април па се усогласивме да бидат на 12 април, додаде тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.